答 ：因為法官能夠主持公道; 又好似球證咁樣, 能夠分辨出對與錯, 秉行公義
2) 問 ：少年庭開吾開心？
答 ：開心,因為可以睇到人生百態, 亦都可以幫助, 誤入歧途嘅青少年, 改過自身
3) 問 ：法官生涯有咩難忘事？
答 ：難忘,就係有被告人向我掟鞋囉, 同埋時不時要處理啲有暴力傾向嘅精神病人
4) 問 ：作為裁判官點睇違法達義？
答 ：我哋絕對唔應該用行公義嘅理由, 去違反法律, 或者施行暴力; 亦都唔應該, 損害他人嘅財物, 去表達自己嘅訴求!
5) 問 ：兒童庭係咪判輕啲？
答 ：相對成年人法庭, 可以話係判得輕手啲,但係兒童庭都有判去教導所, 同埋感化學校, 最長嘅羈留時間係三年!
6) 問 ：細路犯法係咪唔使坐監？
答 ：唔一定, 如果細路仔係14歲以上, 又搵唔到其它更加適當嘅刑罰, 就一定會判坐監
7) 問 ：有錢比係咪唔使坐監？
答 ：比錢唔能夠代替坐監, 但係如果唔繳交罰款,就有機會加監
8) 問 ：係咪要坐監先有案底？
答 ：當然唔係啦! 即使只係判感化令,或者社會服務令, 都一定已經留咗案底
9) 問 ：吾講比人知我有案底，係咪冇人知㗎？
答 ：法庭報導通常包括被告人個名, 之後佢哋嘅刑事紀錄, 就有機會畀人上網搜尋發現
除此之外, 某啲工作, 例如申請做律師, 會計師,都係要自己申報有冇案底
10) 問 ：未夠18歲犯法，吾話比父母知得吾得？
答 ：16歲以下嘅案件, 由兒童法庭處理, 法例規定, 兒童法庭嘅聆訊, 一定要有父母陪同出庭
11) 問 ：緩刑係點樣？
答 ：緩刑意思即係話, 法庭指定嘅時間之內冇再干犯任何法例, 就唔需要坐監, 但如果再犯事, 就好大機會, 新舊兩條罪, 一齊判即時監禁
12) 問 ：社會服務令係咪可以自己揀㗎？
答 ：你就想! 由法官決定! 視乎個案情, 有冇悔意, 同埋感化報告嘅內容, 等等
不過當然, 被告人都需要表示自己願意做社會服務, 法官至會畀機會佢!
劉永成
- denis lau photo.png (115.55 KiB) 已瀏覽 390 次